無線電與生活 之 我要睇 RTHK31

 

 

城市生活，無線電早已充斥生活每一部份，由 4G，LTE，5G，藍芽，Wi-Fi，電視電台廣播以至無線充電等等。

用家也覺很老逢，打開電視收音機就應有聲有畫。電訊服務俾錢就有咁。然而固中傳送原理，少人探究。

近月收到一個 case，附近屋村有長者收不到 RTHK31，望能解決。 過程起用了 SDR，天線等知識。最終是成功解決，但真係有d靈異。

我這和電視絕緣多時的人，即時反應當然是解點唔上網睇，鐘意幾時睇都得。不過活到這年頭，不會傻到諗到就講出口。人慣了一種模式，年長後往往很難或不想改變。

 

先到 rthk 網頁看一點資料，RTHK31是 802MHz，頻道 62。然而其他頻道則集中在 586MHz。其網頁也有一個可接收屋苑 list 和覆蓋範圍。

http://rthk9.rthk.hk/about/dtt/intro.htm

有這個 list，咁即係佢既廣播唔多係廣播….. ，2020年都 o黎緊，有無搞錯。

街坊個 Home Base 榜上無名

 

 

見到個 list，就想起數碼收音機廣播之死，當年也是有覆蓋範圍，地圖等等資料。

做了基本功課後，上門拜侯一下；原來唔係睇唔到，而係在 analog 睇有雪花既 31，32；畫面上面也已顯示了出年年尾analog 停播通知。今年年頭換過電視，情況依舊。

整個系統，是屋村公共天線接高清電視。

Picture from RTHK Web

 

用 auto scan 掃描一下，結果仍一樣，數碼得 7 個台，analog 4 個。掃描其間，會顯示當時頻率，802MHz 一掃而過。

心諗公共天線係收到咁多就咁多，電視支援該頻率又如何，我可以點。

徹退回家後，用回 ham 佬設置電台的思維；應是公共天線系統先於數碼 RTHK31，該系統不是 cover 唔到 8xxMHz，就是不支援該 channel。我對公共天線系統認識係 0，估計系統應有 program 支援 channels 供辦識。

解決方案也是 ham 模式，用一 2 入 1 出的天線 combiner ，一邊接回公共天線，一邊接一條 802MHz 天線咪搞掂囉。

話需如此，如真係 work 的話，又如何安置那條自製天線呢。有了公共天線後，魚骨天線基本上不允許安裝，我也不想咁覆雜，幫下街坊免費既，最緊要簡單快捷無翻單。

出鴨街一趟，通街都係 1 入 n 出的天線 splitter，就係無 2 入 1 出的天線 combiner，有點失望。買了幾個天線頭走人。

回家翻箱到籠，找到一個一入三出的天線 splitter，打開不外 LC 線路，沒有極性的，那反接為二入一出也有希望。遂將輸出銲上頭，輸入接公頭。

這個 splitter，廿年前觀塘得利購入，包裝跟足日本萬視寶，但全無萬視寶 logo，廿年後才知假貨是也。

 

 

 

802MHz 天線，一貫簡單可靠的 dipole 即成。半夜三更，單芯銅線用廢棄 Cat 5 網線開即有 8 條。所有東西皆是多年剩落的剩餘物資，難得減磅清掉。

Dipole 呎吋有牌既或還記得中學物理課的波長理論應識計，用唔著講也無謂。

 

整完條 dipole 後，才記起那堆 SDR 手指均送吸盤天線一條。用得著埋去。

 

之後擇日再次到訪，先用 SDR 配 SDR Touch + 吸盤天線到窗邊接收到 802MHz，係無野睇既，心裡一涼，個頻道表話慈雲山成千火o既，今次點收科。

唯有用自製 dipole，接收 802MHz 訊號強勁。外型簡陋 but really work。

 

先吸盤天線後自製 dipole，純粹顧及外人觀感問題。我地這些 ham 友，自製器材很普通，也多比同類商品可靠耐用。唯一問題就是外型不夠美觀。一般人往往覺得不可靠。甚至會認為接上其器材會整爛佢部機。

個電視放在窗旁。我也決定如個方案 work 的話，將條 dipole 搵熱縮通包一下後用索帶紮在窗框支架就算。

之後接上那個自製的 combiner 和公共天線接頭，再 auto scan，結果如上次到訪一樣；那個 combiner 是失敗的作品。

反正都唔 work，唯一希望用 802 MHz Dipole 直接接上電視，咁好歹都應收到 RTHK31 掛，其他 channel 我暫唔理。

Auto scan 結果係 10 個數碼台，多了 RTHK31，32，33。代價是那四個 analog 嚴重雪花紛飛。

OK，咁放棄那個收唔哂公共廣播既所謂公共天線系統，用回 dipole 札窗框。那個 dipole 太簡陋，回家執靚仔再安裝吧。

插回公共天線系統，著電視，神奇的事情發生了，RTHK 31，32 ，33 仍在。我呆望數秒，鐘意既就係聖誕奇蹟，唔鐘意也可稱之為撞邪…。

用 Auto scan 再掃一次，仍是和接 dipole 時一樣收足 10 個數碼台。

為怕走了之後又唔得，熄電視，著電視，auto scan，動作重覆兩次結果仍是一樣。

好，將四個 analog 雪花台在電視設定 hidden 掉。任務完成，人家當我神咁拜，我聖誕老人上身話以後唔使再睇 CCTVB 啦，哈哈哈哈聖誕快樂走都走唔切 …

 

後記

屋村公共天線系統，成了屏敝資訊的樽頸，要點小秘技才能開通，怎說也不通。需廉租屋但有交租，唔係免費住。而家唔係要收 ham band ，係收廣播。

用一條 dipole 先掃一次，再接回公共天線，即可收到各本港廣播頻道，我認為

該系統是可覆蓋 802MHz 的，但可能較早設立關係或保養已失效，加設頻道要再收費又談不隴，甚至該公共天線公司可能已倒閉了。

然而，只要電視記住了該頻率後，就可無需公共天線系統的其他辦識配合，條 path 被動地打開了。

再看那個頻道表的發射站數量，位置之廣，功率之大等資料，只能斷言當年數碼收音機廣播之死，不在用家慣性收聽 FM，不購入數碼收音機等等理由，而是政府跟本消極推廣至陰乾為止。

農曆新年將至，ham 友拜年的親朋戚友如遇到這個問題，不妨表演一下。work 就當 bonus。 業餘無線電其實也很入世的。

仲有一日就 2020 年，廿幾日後就庚子年了。這裡拜個早年，祝出入平安。黑暗終必過去迎來光明。